काठमाडौं । त्रिकोणात्मक टि–२० सिरिजअन्तर्गत जारी खेलमा मलेसियाले नेपाललाई ११० रनको झिनो लक्ष्य दिएको छ । त्रिवि क्रिकेट मैदान, कीर्तिपुरमा जारी खेलमा टस हारेर पहिला ब्याटिङ गरेको मलेसियाले निर्धारित २० ओभर खेल्न सकेन । १६.५ ओभरमा सबै विकेट गुमाएर १०९ रन मात्र बनाउन सक्यो ।

नेपालका बलरहरु हाबी भएपछि मलेसिया सस्तैमा समेटिएको हो । नेपालका लागि करण केसीले तीन तथा सन्दीप लामिछानेले दुई विकेट लिएका छन् । त्यस्तै, सोमपाल कामी, शाहब आलम, कुशल मल्ल र दीपेन्द्रसिंह ऐरीले एक–एक विकेट लिएका छन् ।

केहीबेरपछि नेपालले ब्याटिङ गर्दैछ ।

नेपालको प्लेइङ ११ :

ज्ञानेन्द्र मल्ल (कप्तान), दीपेन्द्रसिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, कुशल मल्ल, आसिफ शेख, कुशल भुर्तेल र साहब आलम ।