२०८३, श्रावण १४ गते
- यो साता चर्चामा :
काठमाडौं । त्रिकोणात्मक टि–ट्वान्टी क्रिकेट सिरिजमा नेपालले आज नेदरल्यान्ड्ससँग प्रतिस्पर्धा गर्दैछ ।
कीर्तिपुरस्थित त्रिवि क्रिकेट मैदानमा नेपालले आज तेस्रो खेल नेदरल्यान्ड्सविरुद्ध खेल्न लागेको हो ।
यसैबीच, नेपालका कप्तान ज्ञानेन्द्र मल्लले आज टस जितेर व्याटिङ गर्ने निर्णय गरेका छन् ।
खेल १ः१५ बजे सुरु हुनेछ ।
यसअघिका दुवै खेलमा नेपालले फिल्डिङ रोजेको थियो ।
नेपालले दुई खेलमा शतप्रतिशत जितसहित ४ अंक जोडेको छ ।
दुई खेल गुमाएको मलेसियाले अंक जोड्न सकेको छैन । राउण्ड रोबिनको आधारमा जारी सिरिजको शीर्ष दुई टोलीले फाइनल खेल्नेछन् ।
यसअघि दुवै खेल फराकिलो अन्तरमा जितिसकेको नेपालले लगभग फाइनलमा पुगिसकेको छ । अब औपचारिकता मात्र बाँकी छ ।
कोरोना भाइरस महामारीका कारण आज मैदानमा गएर खेल हेर्न दर्शकलाई निषेध गरिएको छ ।
नेपालको प्लइङ ११ :
ज्ञानेन्द्र मल्ल (कप्तान), दीपेन्द्रसिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, आसिफ शेख, कुशल मल्ल, कुशल भुर्तेल, साहब आलम ।
