काठमााडौँ । नेकपा एमालेका वरिष्ठ नेता माधव कुमार नेपालले आफू पार्टीलाई एकतावद्ध बनाउन लचकता अपनाउन तयार रहेको बताउनुभएको छ । तर अहिलेसम्म अध्यक्ष केपी शर्मा ओलीसँग कुनै सहमति नगरेको स्पष्ट पार्नुभएको छ ।

एमाले अध्यक्ष केपी शर्मा ओली र माधव कुमार नेपालबीच सहमति भयो भन्ने विभिन्न सञ्चारमाध्यममा आएका समाचार प्रति स्पष्टीकरण दिँदै उहाँले सामाजिक सञ्जाल फेसबुकमा लेख्नुभएको छ ‘हामी सिद्धान्त निष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण गरेको पार्टी हो। यसका लागि वार्ता र लचकता दुवै अपनाउछौं, तर अहिले सम्म कुनै सहमति भएको छैन।’

त्यस्तै नेपालले फागुन २८ पछि भएका बैठक र त्यसले गरेका निर्णय पनि फिर्ता हुनुपर्ने बताउनुभएको छ ।