२०८३, श्रावण १४ गते
- यो साता चर्चामा :
एजेन्सी – अन्तर्राष्ट्रिय क्रिकेट परिषद् (आइसिसी)ले टि-२० विश्वकपमा २० टोलीलाई खेलाउने तयारी गरेको छ । यो फम्र्याटको विश्वकपमा १६ टोली सहभागिता जनाउँदै आएका छन् ।
यसै वर्ष भारतमा र अर्को वर्ष अष्ट्रेलियामा टि-२० विश्वकप हुँदै छ । आइसिसीले त्यसपछि हुने सन् २०२४ को संस्करणदेखि टि-२० विश्वकपमा सहभागी सङ्ख्या २० पुर्याउन विस्तार गर्न छलफल थालेको अन्तर्राष्ट्रिय सञ्चारमाध्यमहरुले जनाएका छन् ।
जसमा २० देशलाई ४ समूहमा विभाजन गरिने योजना छ । एकदिवसीय विश्वकपमा १० बाट १४ सङ्ख्या पुर्याउनेमा पनि छलफल भएको बताइएको छ ।
ओलम्पिकमा सहभागिता जनाउने तथा आइसिसी इन्टरकन्टिलेन्टल कप फरक नाममा गर्नेमा आइसिसी सकरात्मक देखिएको बताइएको छ । इन्टरकन्टिनेन्टल कप एसोसियट देशबीच प्रतिस्पर्धा हुने र त्यसले प्रथम श्रेणीको क्रिकेटको मान्यता पाउने बताइएको छ ।
टि-२० विश्वकपमा २० र एकदिवसियमा १४ देश पुर्याउँदा नेपाललगायतका एसोसियट देशलाई धेरै फाइदा र सहज हुने विश्लेषकहरुले बताएका छन् ।
नेपाल हाल २०२२ को टि-२० विश्वकप ग्लोबल छनोट खेल्ने तयारीमा छ ।
नेपालले सन् २०१४ मा बंगलादेशमा भएको टि-२० विश्वकप खेलेको थियो । त्यसयता नेपाल विश्वकपमा छनोट हुन सकेको छैन ।
