काठमाडौँ । पछिल्लो समय नेपालमा पुनः दैनिक कोरोना संक्रमितको संख्या बढ्न थालेको छ ।  पछिल्लो २४ घण्टामा थप ३ हजार ४२१ जनामा कोरोना संक्रमण पुष्टि भएको छ ।

स्वास्थ्य मन्त्रालयका अनुसार १२ हजार २४० जनाको आरटी पीसीआर विधिबाट परीक्षण गर्दा २ हजार ३९१ जना र ५ हजार ३२ जनाको एन्टिजेन विधिबाट परीक्षण गर्दा १ हजार ३० जनामा गरी सो संख्यामा संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ७ लाख ३८ हजार ९१८ पुगेको छ ।

पछिल्लो २४ घण्टामा थप १ हजार ६८६ जना संक्रमित निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ४५ हजार ३०१ पुगेको छ ।

यसै गरी सोहि अवधिमा थप २५ संक्रमितको मृत्यु भएको छ । हालसम्म नेपालमा मृत्यु हुनेको संख्या ९ हजार ७३८ पुगेको छ ।
मन्त्रालयका अनुसार हाल सक्रिय संक्रमितको संख्या २७ हजार ९०८ रहेको छ । जसमध्ये २५ हजार ९३ जना होम आइसोलेसनमा रहेका छन् भने २ हजार ८१५ जना संस्थागत आइसोलेसनमा रहेका छन् । यस्तै ६६९ जना आईसीयू र १६६ जना भेन्टिलेटरमा उपचाररत् छन् ।