काठमाठौं – अन्तर्राष्ट्रिय क्रिकेट परिषद् (आइसिसी) टि–ट्वान्टी क्रिकेटको वरीयतामा नेपालका चारजना खेलाडी परेका छन् । आइसिसीले आज सार्वजनिक गरेको टि–ट्वान्टीको नयाँ वरीयतामा नेपालका चार खेलाडी अटाएका हुन् ।

नयाँ वरीयता अनुसार नेपालका युवा खेलाडी कुशल भुर्तेलको वरीयता यथावत रहेको छ । ब्याटिङ वरीयतामा कुशल ६० औं स्थानमा रहेका छन् । यस अघि उनी ६० औं स्थानमै रहेका थिए ।

नेपालका पूर्वकप्तान पारस खड्काको वरीयता सुधार भएको छ । पारस ९० औं स्थानमा उक्लिएका छन् । तर, पारसले अन्तराष्ट्रिय क्रिकेटबाट सन्यास घोषणा गरिसकेका छन् । यस्तै कप्तान ज्ञानेन्द्र मल्ल ९४ औं स्थानमा उक्लिएका छन् ।

बलिङ वरीयतामा नेपालका सन्दीप लामिछाने ७७ औं स्थानमा रहेका छन् । नेपालको टि–ट्वान्टी र एकदिवसीय वरीयता भने यथावत रहेको छ । टि–ट्वान्टीतर्फको नयाँ वरीयतामा नेपाल १२ औं स्थानमा रहेको छ । नेपाल एकदिवसीय वरीयताको १६ औं स्थानमै छ ।