काठमाडौँ । नेपाली राष्ट्रिय महिला भलिबल टोलीको प्रशिक्षण आज बाट सुरु हुँदै छ । त्रिपुरेश्वरस्थित राखेप कभर्ड हलमा दिउँसो २ बजेबाट महिला टोलीको प्रशिक्षण सुरु हुने नेपाल भलिबल संघले जनाएको छ ।

प्रशिक्षणका लागि संघले २० खेलाडीलाई बोलाएको छ । एसियन सेन्ट्रल जोन पुरुष तथा महिला भलिबल प्रतियोगिताका लागि महिला टोलीले तयारी थाल्न लागेको हो । महिला टोलीले प्रशिक्षक जगदिश भट्ट र भरत यादवको नेतृत्वमा तयारी गर्ने छ ।

बंगलादेशको ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुने छ । नेपाली महिला टोलीले २०१९ को सेन्ट्रल जोनको उपाधि जितेको थियो । संघले पुरुष टिमको प्रशिक्षण भने केहि दिनपछि सुरु गर्ने जनाएको छ ।