काठमाडौँ । आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए मा सहभागिता जनाउन ओमान पुगेको नेपाली राष्ट्रिय क्रिकेट टोली आज स्वदेश फर्कँदै छ ।

नेपाल क्रिकेट संघ (क्यान)ले नेपाली टोली आज साँझ साढे ५ बजे स्वदेश फर्कने जनाएको छ । छनोटमा नेपालले तेस्रो स्थान हासिल गरेको थियो । हिजो तेस्रो स्थानको लागि भएको प्ले अफमा ओमानलाई ९ विकेटले हराउँदै नेपालले तेस्रो स्थान हासिल गरेको हो ।

तर, सेमिफाइनलमा पराजित भएपछि नेपालको अष्ट्रेलियामा हुने टी–ट्वान्टी विश्वकप खेल्ने सपना सकिएको थियो । सेमिफाइनलमा नेपाल युएईसँग पराजित भएको थियो । छनोटको उपाधि युएईले जितेको छ ।