काठमाडौं । काठमाडौं महानगरपालिकाका नवनिर्वाचित मेयर बालेन्द्र साहले आज पदभार ग्रहण गरेसँगै पत्रकारसँग पनि सवालजवाफ गर्नुभएको छ ।

महानगरको आफ्नै घर बनाउने विषयमा पत्रकारले प्रश्न गर्दा बालेनले आफूले यसअघि गरेको कुरा बुझ्न सुझाउनुभयो । लगत्तै पत्रकारले अर्को प्रश्न गरे, ‘काठमाडौंको फोहोर व्यवस्थापन गर्न कति समय लाग्ला ?’

बालेनको जवाफ थियो, ‘पत्रकार सुध्रिन कति समय लाग्ला ? समय यतिउती भन्ने हुन्छ र ? गर्दै जाँदा कहिले सकिन्छ ।’

पत्रकारहरुसँग कुरा गर्दै बालेनले सिसडोलबासीहरुको समस्या पहिलो प्राथमिकतामा राख्ने र काठमाडौंको फोहोरलाई सही व्यवस्थापन गर्ने बताउनुभयो ।