काठमाडौं । काठमाडौं महानगरपालिकाका कार्यकारी प्रमुख लोकनाथ पौडेलले फोहोर व्यवस्थापनका लागि गम्भीररूपमा गृहकार्य भइरहेको बताउनुभएको छ ।

नेपाली रेडियो नेटवर्क – एनआरएन को कार्यक्रम ‘नेपाली बहस’ मा पत्रकार ऋषि धमलासँग कुरा गर्दै उहाँले महानगरपालिकामा निर्वाचित भएर आउनुभएको मेयर–उपमेयरको पहलमा फोहोर व्यवस्थापनको उचित व्यवस्थापनबारे गृहकार्य भइरहेको उल्लेख गर्नुभयो ।

कार्यकारी प्रमुख पौडेलले घरबाट बाहिर निस्किसकेको फोहोरको वैकल्पिक व्यवस्थापन गर्ने बारे पनि गृहकार्यमा महानगर जुटेको स्पष्ट पार्नुभएको छ ।

प्रारम्भिक चरणमै फोहोरको व्यवस्थापनमा ध्यान दिएर कुहिने र नकुहिने फोहोर अलग अलग ठाउँमा संकलन गर्न उचित हुने उहाँको भनाइ छ ।