२०८३, श्रावण ११ गते
- यो साता चर्चामा :
काठमाडौं । प्रमुख प्रतिपक्षी दल नेकपा एमालेले लेखा समिति बैठक बहिस्कार गरेको छ । सभापतिको राजीनामा माग्दै एमालेले बैठक बहिस्कार गरेको हो ।
बिहान ११ बजे बोलाइएको बैठक केही ढिलो गरी सुरु भएको थियो । बैठकमा एमाले सांसदहरू विशाल भट्टराई, गोकुल बास्कोटालगायत उपस्थित थिए ।
भट्टराई र बास्कोटाले लेखा समितिको नेतृत्व विपक्षी दलले पाउने परम्परा रहेको भए पनि कांग्रेसले सरकारमा गएको १ वर्षसम्म पनि नेतृत्व नछाडेको भन्दै प्रश्न उठाएका छन् । त्यसपछि उनीहरू बैठकमा नबस्ने भन्दै बाहिरिएका हुन् ।
एमालेले सभापति फेरिएपछि मात्रै लेखा समितिको कामकारबाहीमा भाग लिने अडान राखेको छ ।
