काठमाडौं । प्रतिनिधि सभाको रिक्त उपसभामुख पदको निर्वाचन यही असार ३१ गते हुने भएको छ ।

प्रतिनिधिसभाको आजको बैठकमा सभामुख अग्निप्रसाद सापकोटाले उक्त दिन निर्वाचन हुने र निर्वाचनको कार्यक्रम आजै प्रकाशन गर्न सङ्घीय संसद्का सचिव गोपालनाथ योगीलाई निर्देशन दिनुभएको छ ।

उपसभामुखको पद सकिन पाँच महिनामात्र बाँकी छँदा उपसभामुखको निर्वाचन हुन लागेको हो । यसअघि केपी शर्मा ओली नेतृत्वको सरकारले उपसभामुख र राष्ट्रिय सभा उपाध्यक्षमा कुनै चासो नै देखाएको थिएन ।

शेरबहादुर देउवा नेतृत्वको सरकारले पनि एक वर्ष पूरा गरेपछि बल्ल उपसभामुखमा चासो देखाएको हो ।
संविधानअनुसार सभामुख पुरुष भएपछि उपसभामुख महिला हुनैपर्नेछ ।