२०८३, श्रावण ११ गते
- यो साता चर्चामा :
काठमाडौं । काठमाडौं महानगरपालिकाकी उपमेयर सुनिता डंगोलले अनधिकृत संरचनाहरू हटाउने महानगरको अभियानमा आफू सँगै रहेको स्पष्ट पार्नुभएको छ ।
मेयर बालेन्द्र साहको नेतृत्वमा चलिरहेको अभियानमा उपमेयरको अनुपस्थितिलाई लिएर प्रश्न उठाइएपछि उहाँले स्पष्टीकरण दिनुभएको हो ।
सामाजिक सञ्जालमा स्टाटस लेख्दै सुनिताले अनधिकृत संरचना हटाउने अभियान काठमाडौं महानगरको भएकाले कानून कार्यान्वयन गर्ने सबै कार्यमा उपमेयरको हैसियतले आफ्नो साथ, सहयोग र समर्थन रहेको स्मरण गराउनुभएको हो ।
आफ्नो विषयमा केही अनलाइन मिडियाले भ्रम पैदा गरेको भन्दै उहाँले प्रतिवादसमेत गर्नुभएको छ ।
