काठमाडौं । मालदिभ्समा जारी साबा महिला बास्केटबल च्याम्पियनसिपमा नेपालले दोस्रो जित निकालेको छ । मालेमा बुधबार(आज) भएको खेलमा भुटानलाई हराउँदै नेपालले दोस्रो जित निकालेको हो ।
तुलनात्मक कमजोर टोली भुटानमाथि नेपालले ६५—२६ ले हराएको हो । भुटानको भने यो लगातार दोस्रो हार हो ।
यस अघि नेपालले मंगलबार श्रीलंकालाई ५५—४९ ले हराएको थियो । त्यसअघि पहिलो खेलमा भने नेपाल आयोजक मालदिभ्ससँग ५१(४७ ले पराजित भएको थियो ।
प्रतियोगितामा चार राष्ट्र सहभागी छन् । शीर्ष टोलीले उपाधि जित्नेछ । नेपालको उपाधि यात्रा भने अन्य टोलीको खेलमा निर्भर रहेको छ ।
अब श्रीलंका र मालदिभ्स तथा मालदिभ्स र भुटानबीच खेल हुन बाँकी रहेको छ ।
