काठमाडौं । नक्कली भुटानी शरणार्थी प्रकरणमा हिरासतमा रहेका नेपाली कांग्रेसका नेता बालकृष्ण खाँणलाई भेट्न उहाँकी पत्नी मञ्जु खाँण आज काठमाडौं प्रहरी परिसर टेकु पुग्नुभएको छ ।

पूर्वगृहमन्त्रीसमेत रहनुभएका खाँण गत वैशाख २७ गते पक्राउ परे पनि उहाँकी पत्नी मञ्जु भेट्न गएकी थिइनन् । प्रहरीले आज अनुसन्धान प्रतिवेदन सरकारी वकिललाई बुझाउने दिन मञ्जु पतिलाई भेट्न जानुभएको हो । प्रहरी परिसर काठमाडौंका एक जना प्रहरी अधिकृतले बालकृष्णलाई भेटेर मञ्जु फर्किएको पुष्टि गरेका छन् ।

नक्कली भुटानी शरणार्थी प्रकरणमा पक्राउ परेकाहरुले मञ्जुलाई पनि मुछेका थिए । त्यसयता उहाँ सम्पर्कविहीन हुनुभएको थियो । तर सरकारको नीति तथा कार्यक्रम प्रस्तुत हुने दिन उहाँ संसदमा देखिनुभएको थियो ।