काठमाडौं । नेपाल स्टक एक्चेन्ज लिमिटेड (नेप्से) ७ महिनायताकै उच्च विन्दूमा पुगेको छ । गत फागुनमा १६३२ अंकसम्म पुगेर ओरालो लागेको नेप्से लकडाउन खुलेपछि बजार खुलेयता लगातार बढिरहेको छ । दुई साताअघि १५७५ अंकसम्म पुगेको नेप्से आज १५८० भन्दा माथि पुगेको छ ।

गत साताबाट बैंकहरुको सेयर मूल्यमा वृद्धि हुँदा नेप्सेले पनि गति लिएको छ । लकडाउनयता बिमा, हाइड्रोपावरसँगै अन्य समूहको सूचकले उचालेको बजारलाई गत साताबाट बैंकिङ समूहले पनि टेवा दिएको छ । जसले गर्दा नेप्से ७ महिना यताकै उच्च बिन्दुमा पुगेको छ भने बजार पुँजीकरणले पनि नयाँ रेकर्ड कायम गरेको छ ।

आज साताको पहिलो दिने बजार परिसूचक नेप्से दोहोरो अंकले बढेको छ