काठमाडौं । राष्ट्रिय सभाको आगामी हिउँदे अधिवेशनका लागि दुई महिनाको सम्भावित कार्यतालिका स्वीकृत भएको छ । आज बसेको राष्ट्रिय सभाको कार्यव्यवस्था परामर्श समितिको बैठकले राष्ट्रिय सभाको माघ र फागुन माहिनाको सम्भावित कार्यतालिका स्वीकृत गरेको हो ।

बैठकले संसद्को अधिवेशनको प्रारम्भ र अन्त्य हुने दिनका बारेमा संसद्लाई पूर्व जानकारी गराउनुपर्ने भनेको छ । त्यस्तो गर्दा कार्यतालिका बनाउन सहज हुने दाबी छ ।

संसद्को आउने अधिबेशनमा सरकारले कति वटा, के कस्ता विधेयक दर्ता गराउने हो ? सो बिषयको जानकारी पनि संसद् अधिवेशन प्रारम्भ हुनुभन्दा अगावै संसद्लाई जानकारी दिन आग्रह गर्ने बैठकको निर्णय छ ।

राष्ट्रिय सभामा लामो समयदेखि विचाराधीन अवस्थामा रहेको अध्यागमन विधेयक फिर्ता लिने वा अगाडि बढाउने भन्ने बिषय टुंगो लगाउन समेत समितिले सरकारलाई आग्रह गरेको छ ।