काठमाडौं । नारायणगढ–मुग्लिन सडक खण्डअन्तर्गत चितवनको इच्छाकामना गाउँपालिका–५ स्थित खहरे खोलामा ट्रक खस्दा दुईजना घाइते भएका छन् ।

रौतहटबाट इट्टा बोकेर काठमाडौंतर्फ आउँदै गरेको प्र.२–०३.००१ ख ०७०९ नम्बरको ट्रक अनियन्त्रित भइ खहरे पुलबाट गएराति खोलामा खसेको ट्राफिक प्रहरी कार्यालय मुग्लिनले जनाएको छ ।

दुर्घटनामा ट्रकका चालक रौतहट चन्द्रनिगाहापुर नगरपालिका २ का २६ वर्षीय साजन परियार र सहचालक २४ वर्षीय सुजन कँडेल घाइते भएका छन् । उनीहरूको भरतपुरमा उपचार भइरहेको प्रहरीले जनाएको छ ।