काठमाडौं । प्रधानमन्त्री केपी शर्मा ओलीले कोरोनाविरुद्धको लडाइँ नयाँ चरणमा प्रवेश गरेको बताउनु भएको छ ।

बुधबार बालुवाटारमा आयोजित कोभिड–१९ विरुद्धको खोप अभियान शुभारम्भ कार्यक्रममा प्रधानमन्त्री ओलीले यस्तो बताउनुभएको हो ।

प्रधानमन्त्री ओलीले सुरुवाती समयभन्दा खोपपछि कोरोनाविरुद्धको लडाइँमाथि उठाएको बताउनुभयो । उहाँले कोरोना महामारीमा खटिएका सबैको प्रशंसासमेत गर्नुभएको छ ।

प्रधानमन्त्री ओलीले कोरोनाविरुद्धको खोप ३ महिनाभित्र सबै नेपालीले पाउने पनि बताउनुभएको छ । उहाँले खोप निःशुल्क उपलब्ध गराउने उल्लेख गर्नुभयो ।

उहाँले कोरोनाविरुद्धको खोप लगाउन शुरु गरिए पनि सावधानी भने अपनाइरहनुपर्ने बताउनुभयो । कोरोनाविरुद्धको लडाईलाई जारी राख्नुपर्ने प्रधानमन्त्री ओलीको भनाइ छ । उहाँले खोपको मात्रै भर परेर अन्य कुरामा लापरवाही नगर्न आग्रहसमेत गर्नुभएको छ ।