काठमाडौं । हाल नेपालमा पश्चिमी वायुको प्रभाव रहेकाले देशभरको मौसममा सुधार आउन अझै केही दिन लाग्ने मौसमविदहरुले बताएका छन ।

अहिले सुदूरपश्चिम प्रदेश, कर्णाली प्रदेश र लुम्बिनी प्रदेशका केहि भू–भागमा आंशिक देखि सामान्य बदली भएको मौसम पूर्वानुमान महाशाखाले जनाएको छ । साथै अन्य पहाडी भू–भागहरुमा भने आंशिक बदली रहेको महाशाखाले जनाएको छ ।

आज दिउँसो देशभर आंशिकदेखि सामान्य बदली रही उच्च पहाडी तथा हिमाली भू–भागका थोरै स्थानहरुमा हल्का हिमपातको सम्भावना रहेको महाशाखाले जनाएको छ ।

आगामी तीन दिनसम्म देशभरको मौसम बदली हुने मौसम पूर्वानुमान महाशाखाले जनाएको छ ।