२०८३, श्रावण १० गते
- यो साता चर्चामा :
काठमाडौं । गायिका तथा राष्ट्रियसभा सदस्य कोमल वलीले नेकपा एमालेका नेता रघुजी पन्तविरुद्ध मानहानीको मुद्दा दायर गरेकी छन् । केहीदिन अघि पन्तले सार्वजनिक रुपमा आफूविरुद्ध गरेको टिप्पणीलाई लिएर वलीले आज काठमाडौँ जिल्ला अदालतमा मुद्दा दायर गरेकी हुन् ।
वलीले मुलुकी अपराध संहिता २०७४ को दफा ३०५, ३०६, ३०७ को आधारमा आफूलाई अन्याय परेको भन्दै मुद्दा दायर गरेकी हुन् ।
पन्तले फागुन १५ गते एक कार्यक्रममा वलीमाथि सार्वजनिक टिप्पणी गरेका थिए ।
‘हाम्रो पार्टीमा २० औं वर्षदेखि विवाह नै नगरी महिलाहरु लागेका छन्, केपीको पार्टीमा पनि त्यस्ता महिला छन् । तर तिनले टिकट पनि पाएनन् । कोमल वलीले यसो सारी सरक्क सर्काएर गोडा, पिडौँला देखाएर पोइल जान पाम भनेपछि सांसद त तिनै भइन्’ उनले भनेका थिए ।
नेता पन्तको यस्तोे टिप्पणी गरेपछि तत्कालै वलीले त्यसको प्रतिवाद गर्दै आफूले अदालतको ढोका ढक्ढक्याउने बताएकी थिइन् । सोहीअनुरुप उनले आज मुद्दा दायर गरेकी हुन् ।
‘राजनीतिमा प्रोपोगाण्डा फैलाउने कुत्सित उद्देश्य बोकी विपक्षीले जानी जानी मलाई प्रतिनिधिपात्र बनाइ समग्र महिलाप्रति नै अपमान हुनेगरी अभिव्यक्ति दिनु भनेको महिलाविरुद्धको जघन्य हिंसा हो,’ वलीले आफ्नो उजुरीमा भनेकी छन् ।
पूर्णपाठ पढ्न यहाँ क्लिक गर्नुहोस् :
