काठमाडौं । नेपाली काँग्रेसका नेता गिरिजाप्रसाद कोइरालाको आज ११औँ स्मृति दिवस विभिन्न कार्यक्रम गरेर मनाइँदै छ ।

काँग्रेसका तत्कालीन सभापति एवं पूर्वप्रधानमन्त्री कोइरालाको ११औं स्मृति दिवसका अवसरमा नेपाली काँग्रेस, जीपी कोइराला फाउण्डेनलगायतका संस्थाहरूले उहाँले नेपाली राजनीतिमा पु¥याएको योगदानको स्मरण गर्दै छन् ।

राणाशासनविरोधी आन्दोलनमा विराटनगर जुटमिलमा मजदुर आन्दोलनको अगुवाइ गर्दै राजनीतिमा होमिएको स्वर्गीय कोइराला पटक(पटक मुलुकको प्रधानमन्त्री बन्नुभएको थियो ।

२०६२–६३ को जनआन्दोलनमार्फत संसद पुनःस्थापना गराउन, बृहत शान्ति सम्झौता मार्फत् माओवादी सशस्त्र युद्धको अन्त्य गराउन र संविधानसभाको निर्वाचनमार्फत् संघीय लोकतान्त्रिक गणतन्त्र सुनिश्चित गर्न कोइरालाको भूमिका स्मरणीय रहेको छ ।

२०५३ सालमा नेपाली काँग्रेसको सभापति निर्वाचित हुनुभएका कोइराला तीन कार्यकालसम्म कांग्रेसको सभापति रहनुभएको थियो ।

कोइराला शान्तिप्रक्रिया र संविधान निर्माण प्रक्रियाका सुत्रधार मानिनुहुन्छ । उहाँको २०६६ साल चैत ७ गते मण्डिखाटारमा निधन भएको थियो ।