काठमाडौं – साफ च्याम्पियनसिप र एसियन कप छनोटका लागि आजबाट सुरु गर्ने भनिएको नेपाली राष्ट्रिय फुटबल टोलीकोे बन्द प्रशिक्षण स्थगित भएको छ । बन्द प्रशिक्षण एक साताका लागि स्थगित भएको अखिल नेपाल फुटबल संघ (एन्फा)ले जनाएको छ ।

‘प्राविधिक कारण देखाउँदै बन्द प्रशिक्षण एक साता पछि सरेको हो’, एन्फाले आफ्नो फेसबुक पेजमा लेखेको छ ।

उपत्यका बाहिरबाट पनि खेलाडी आउनुपर्ने र निरन्तर वर्षाका कारण यातायात समस्या भएकाले प्रशिक्षण स्थगित भएको बताइएको छ । अब प्रशिक्षण बुधबारबाट सुरु हुनेछ ।

प्रशिक्षक अब्दुल्लाह अलमुताइरीले दुई साताअघि नै विश्वकप तथा एसियन कप छनोटको दोस्रो चरणमा बोलाइएका ३२ खेलाडीमा केही खेलाडी थप्दै नेपाली टोली घोषणा गरेका थिए । उनले खेलाडीलाई दुई समूहमा विभाजन गरेर प्रशिक्षण गर्ने बताएका थिए ।

साफ च्याम्पियनसिप १४ देखि २५ सेप्टेम्बरसम्म बंगलादेशमा हुनेछ ।