काठमाडौं । सरकारले लामो समयदेखि अध्ययन अध्यापक कार्य विग्रिएकाले अव विद्यार्थी र शिक्षकहरुलाई उच्च प्राथमिकताका साथ खोपको व्यवस्था गर्ने भएको छ ।

झण्डै दुई बर्षदेखि बालबालिकाहरुको पढाइ विग्रिएकाले उनीहरुको भविष्य अन्यौलमा परेका, मानसिक समस्या बढ्न थालेको र पारिवारिक समस्या पनि सृजना भएकाले अव पढाई सुरु गराउन सवै विद्यार्थी र शिक्षकलाई खोपको व्यवस्था गर्न लागिएको सरकारले जनाएको छ ।

विद्यालयस्तरका विद्यार्थीहरु १८ बर्षभन्दा कम उमेरका हुने भएकाले उनीहरुका लागि चालिस लाख मोर्डना खोप ल्याउन रकम बुझाइ सकिएको स्वास्थ्य राज्यमन्त्री उमेश श्रेष्ठले जानकारी दिनुभयो ।

“विश्वविद्यालयका शिक्षक र विद्यार्थीले पाइसकेका छन्, अव विद्यालयस्तरका विद्यार्थीहरु र शिषकहरुलाई खोप लगाएर पढाइ सुरु गराइनेछ,” उहाँले भन्नुभयो ।

उहाँले विद्यार्थीकै लागि फाइजरको खोप दशैँको आसपासमा आउने र अझ अरु खोपका लागि विद्यार्थीलाई देखाएर दातृ निकायहरुसँग पनि पहल भइरहेको बताउनुभयो ।