एजेन्सी । अदालतबाट चार वर्ष पुरानो मानहानी मुद्दामा दोषी ठहर भएपछि सांसद पद गुमाएका भारतीय कंग्रेस पार्टीका नेता राहुल गान्धीले भारतमा लोकतन्त्रमाथि आक्रमण भइरहेको बताएका छन् ।

सांसद पद गुमाउनु परेको भोलिपल्ट शनिबार उनले पत्रकार सम्मेलन गर्दै यस्तो बताएका हुन् ।नाटकीय ढंगले विकसित घटनाक्रमपछि गान्धीले शनिबार दिल्लीस्थित पार्टी कार्यालयमा पत्रकार सम्मेलन गरेका हुन् ।

यस क्रममा उनले भारतको लोकतन्त्रमाथि भइरहेको आक्रमणको दिन प्रतिदिन नयाँ नयाँ उदाहरण आइरहेको बताए । तर उनले कुनै पनि परिस्थितिबाट आफू नडराउने र सरकारलाई प्रश्न गर्न आफूले बन्द नगर्ने पनि बताए ।

गान्धीले आफूलाई संसद पदबाट हटाएर, धम्क्याएर, जेलमा हालेर आफ्नो बोली कसैले बन्द गराउन नसक्ने चेतवानी दिएका थिए ।हिन्दुस्तानको लोतन्त्रका लागि आफू लडिरहेको भन्दै उनले त्यसका लागि निरन्तर लडिरहने र केहीसँग पनि आफूलाई डर नहरेको बताए ।

सरकारले नियम परितर्वन गरेर अडानीलाई एयरपोर्टको जिम्मा लगाएको बताए । साथै मोदी गुजरातको मुख्यमन्त्री रहेदेखि नै अडानीले संरक्षण पाएको आरोप लगाए ।