काठमाडौं । नेकपा एसका नेता मेटमणी चौधरीले वर्तमान सरकार सुशासनको लागि नबनेको आरोप लगाउनुभएको छ ।

हिजोको दिनमा आफूहरुले गरेको आपराधिक गतिविधिहरुलाई ढाकछोप गर्नका लागि बनेको सरकार भएकाले ६ महिनामा यो बाहेक अरु उपलब्धि र जनताको लागि केहि पनि काम नगरेको नेता चौधरीले आरोप लगाउनुभयो ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै पूर्वमन्त्रीसमेत रहनुभएका नेता चौधरीले संसदका दुई ठुला दल नेपाली कांग्रेस र एमालेको समिकरणमा बनेको सरकारबाट जनताले धेरै आसा राखेको भए पनि सबै निराशामा बदलिएको दाबी गर्नुभयो ।

सुशासन दिन नसकेका, लोकतन्त्र जोगाउन नसकेका प्रधानमन्त्री केपी शर्मा ओलीले गफ र भाषण ठुलठुला गरेर आफूले धेरै र राम्रा काम गरेको दाबी गर्नाले जनतालाई झन् निरास बनाएको र विश्वास टुटेको नेता चौधरीको टिप्पणी छ ।

सरकार गठनको ६ महिनामा सरकार पूर्णरुपमा असफल सावित भएको पनि उहाँको दाबी छ ।

सत्तापक्षकै नेता सांसदरु सन्तुष्ट नभएकाले ०८४ सम्म चल्छ भन्ने दाबी गर्ने सरकार जतिखेर पनि फुट्न सक्ने पनि नेता चौधरीको भनाइ छ ।